🌙 12 Rabi ul Awwal – Pyar, Durood Aur Salam Ek pyare se gaon mein Ayan aur uski choti behen Haya rehte thay. Dono bohat khush thay kyun ke 12 Rabi ul Awwal ka mubarak din qareeb aa raha tha. Gaon mein har taraf safai ki ja rahi thi. Gharon aur galiyon ko khoobsurat sabz aur safed roshniyon se sajaya ja raha tha. Bachay chote chote jhanday le kar khushi se ghoom rahe thay . Ek din Ayan ne apni Ammi se pooch a: “ Ammi! 12 Rabi ul Awwal hamare liye itna khaas kyun hai?” Ammi ne pyar se muskurate hue kaha: “ Beta, yeh Rabi ul Awwal ka mubarak mahina hai. Humein is mauqe par Allah ka shukar ada karna chahiye aur Nabi-e-Kareem ﷺ se mohabbat ka izhar karna chahiye. Humein Durood o Salam parhna, achay akhlaq apnana aur doosron ke saath mohabbat aur narmi se pesh aana chahiye.” Haya ne khushi se kaha : “Ammi! Main bhi aaj se sab ke saath achay se baat karungi.” Ayan bola: “ Main bhi jhoot nahi bolunga aur zarooratmand ki madad karunga .” Ammi ne kaha: “ Bohat khoob! Nabi-e-Kareem ﷺ ki zin...