Azadi Ka Din Ek chhote se shehar mein Ali naam ka ek pyara sa bacha rehta tha. Ali ko Pakistan se bohat mohabbat thi. Jab bhi 14 August ka din qareeb aata, woh bohat khush hota. 14 August ki subah Ali jaldi uth gaya. Us ne green aur white kapray pehne aur apne ghar ko Pakistani parcham aur jhandiyon se sajaya. Ali ne apne Dada Abu se poocha: “Dada Abu! Hum 14 August kyun manate hain?” Dada Abu muskuraye aur bole: “Beta! 14 August 1947 ko Pakistan ek azaad mulk bana. Hamare buzurgon ne Pakistan hasil karne ke liye bohat qurbaniyan dein. Is liye hum har saal is din ko khushi aur fakhar ke saath manate hain.” Ali ne poocha: “Kya sirf jhandiyan lagana aur celebration karna hi Pakistan se mohabbat hai?” Dada Abu ne kaha: “Nahi beta! Apne mulk se asli mohabbat yeh hai ke hum achay aur zimmedar shehri banein. Sach bolen, mehnat se parhein, doosron ki madad karein aur apne mulk ko saaf rakhein.” Ali ne Dada Abu ki baat dil mein basa li. Kuch der baad Ali ne dekha ke kuch bachay ground me...